Вебинар "Развој на емоционалната интелигенција во детството и адолесценцијата"

Вебинар “Развој на емоционалната интелигенција во детството и адолесценцијата”

Развој на емоционалната интелегенција во детството и адолесценцијата

Здружението за дислексија Ајнштајн во склоп на серијата вебинари кои ги организира со цел едукација, информирање и подобрување на квалитетот на образованието и науката во Македонија ве поканува на вебинарот: „ РАЗВОЈ НА ЕМОЦИОНАЛНАТА ИНТЕЛИГЕНЦИЈА ВО ДЕТСТВОТО И АДОЛЕСЦЕНЦИЈАТА “- кој ќе се одржи на 20-ти Март (сабота), со почеток во 10 часот преку платформата ZOOM.

Обучувач на вебинарот ќе биде проф. д-р. Ана Фрицханд раководител на институтот за психологија на Филозофскиот факултет Скопје.

Вебинарот е поделен на четири блока и тоа :

Блок 1 – 60мин
• Развој: поим и дефиниција
• Развојни каратеристики на периодите на доенче, рано и средно детство
• Адолесценцијата како посебен развоен период
• Развојни домени: физички, сознаен, социоемоционален, говорен
• Емоционален развој – специфики
• Социоемоционално врзување, регулација и контрола на емоциите кај децата

Блок 2 – 60 мин
• Интелигенција – поим и карактеристики
• Различни видови интелигенција
• Емоционална интелигенција
• Важноста на емоционалната интелигенција во животот на поединецот
• Поврзаност на емоционалната интелигенција со емоционалната зрелост, социјалната компетентност и емпатијата

Блок 3 – 60 мин
• Развој на емоционалната интелигенција во детството и адолесценцијата
• Улогата на семејството, средината и врсниците во развојот на емоционалната интелигенција
• Кои фактори го стимулираат, а кои го забавуваат/спречуваат развојот на емоционалната интелигенција
• Како да се поттикне развојот на емоционалната интелигенција кај децата.

Блок 4 – 30 минути
• Прашања и одговори

Вебинарот ќе биде во времетраење од 4 часа со две паузи, по завршувањето на истиот сите учесници ќе се стекнат со сертификат за успешно учество на вебинарот.

Вебинарот е наменет за поширок аудиториум, вклучувајќи теми кои ќе им користат на родителите, просветните работници, студентите, стручните соработници, воспитувачите и сите заинтересирани граѓани.

Како да се пријавите?

Доколку сакате да присуствувате на истиот потребно е да регистрирате на следниов линк, по пополнувањето на пријавата за најдоцна 24 часа на вашата e-mail адреса ќе ви пристигне потврда за учество со сите детали околу вебинарот и начинот на уплата. Доколку пораката не ја добиете во фолдерот Inbox ве молиме да ги проверите фолдерите SPAM или JUNK.

Котизацијата за учество на вебинарот изнесува 599 денари, за сите активни членови во Здружението Ајнштајн котизацијата изнесува 479 денари. Уплатата на котизацијата се извршува преку уплатница во банка или електронски преку ПП30 уплатница, исто така уплатата на котизацијата може да се изврши и преку фактура.

Последен предвиден рок за уплата е 18-ти март.

За следење на вебинарот ќе ви биде потребна стабилна интернет врска, компјутер/лаптоп или паметен телефон, микрофон и по можност камера.

За сите дополнителни информации ви стоиме на располагање

во секое кое време на 078 296 885

Со почит,
Здружение за дислексија АЈНШТАЈН