Вебинар „Терапија со игра – Play therapy”

Вебинар „Терапија со игра – Play therapy”

Здружението Ајнштајн со задоволство ви го најавува последниот вебинар за оваа година, вебинар „Терапија со игра – Play therapy„

Вебинарот ќе се одржи на 25-ти декември со почеток во 10 часот преку платформата ZOOM.

Обучувач ќе биде Проф. д-р Оливера Рашиќ Цаневска професор на Институтот за специјална едукација и рехабилитација при Филозофскиот факултет Скопје .

Целта на вебинарот е запознавање со видовите на игра и развојните фази во кои се јавува, значењето на играта за поттикнување на оптимален развој на децата и искористување на нивните потенцијали, но и за детерминирање на отстапките во развојот, емоционалните и проблеми во однесувањето, прилагодување на играта на возраста и потребите на децата, видови на терапија со игра, примена на терапијата со игра.

Вебинарот ќе биде во времетраење од 3 часа и ќе ги опфати следниве теми:

Класификации и видови на детска игра;

Подготовка на теренот за игра и избор на соодветни играчки;

Играта како медиум за развој и играта како алатка за проценка и интервенција;

Директивна и недирективна терапија со игра;

Практични примери и работилници за примена на терапија со игра;

Придобивки од терапија со игра.

Сите учесници ќе се стекнат со сертификат за успешно учество на вебинарот.

Како да се пријавите?
Доколку сакате да присуствувате на истиот потребно е да регистрирате на следниов линк https://forms.gle/r2CC9LcGYaSjrznA6 , по пополнувањето на пријавата за најдоцна 24 часа на вашата e-mail адреса ќе ви пристигне потврда за учество со сите детали околу вебинарот и начинот на уплата.

Котизацијата за учество на вебинарот изнесува 649 денари, a последен предвиден рок за уплата на котизацијата е 24-ти декември.

Уплатата на котизацијата може да се изврши на три начини и тоа:
• Преку уплатница пп30 или пп10 во банка или преку електронско банкарство
• Со платежна картичка преку нашата веб страна https://edukacija.com.mk/play-therapy/
• Уплата на фактура.

Биографија на обучувачот Проф. д–р Оливера Рашиќ Цаневска

Проф. д–р Оливера Рашиќ-Цаневска е родена 1984 година во Скопје. Дипломирала (2006) и магистрирала (2009) на Филозофскиот факултет при Универзитетот „Св. Кирил и Методиј” во Скопје. Од февруари 2007 година работи хонорарно како демонстратор на Институтот за специјална едукација и рехабилитација при Филозофскиот факултет, а во мај 2012 година се вработува како помлад асистент. Докторската дисертација на тема „Проценка на самостојноста во изведувањето на секојдневните активности и потребата од окупациона терапија кај лицата со мултиплекс склероза“ ја одбранила во март 2013 година на Филозофскиот Факултет во Скопје, Институт за специјална едукација и рехабилитација, со што се стекнала со звањето доктор на науки по дефектологија (специјална едукација и рехабилитација). Во звање доцент е избрана во јуни 2013 година. Од август 2018 година е вонреден професор при Инститот за специјална едукација и рехабилитација на Филозофскиот факултет во Скопје.

Во периодот од декември 2010 до декември 2011 работи како специјален едукатор и рехабилитатор (олигофренолог) во посебното основно училиште „Др. Златан Сремец“ од Скопје. Во јуни 2008 година е назначена за технички секретар на меѓународното научно списание во издаваштво на Филозофскиот факултет и Институтот за специјална едукација „Дефектолошка теорија и практика“, а во ноември 2017 година е избрана за главен и одговорен уредник на списанието. Од 2007 до сега има учествувано во поголем број меѓународни и национални проекти за лицата со различен тип на попреченост. Во академските 2014/2015 и 2015/2016 работи како професор – надворешен соработник при Државниот универзитет во Тетово.

Посетувала курсеви и семинари и остварила студиски престои на универзитети во Германија, Холандија, Хрватска, Србија, Словенија, Данска.

Го зборува англискиот и албанскиот јазик.

Истражувачки интереси: превенција, детекција, рана дијагностика и третман на моторни нарушувања, методика на работа со ученици со моторни нарушувања, окупациона терапија, креативни терапии со лица со попреченост.